Өкмөт Баткендеги калыбына келтирүү иштерине 700 миллион сом бөлдү

Баткен облусундагы калыбына келтирүү иштерине 700 млн сом бөлүндү. Бул тууралуу премьер-министр Улукбек Марипов Лейлек районунун Сада айылынын тургундары менен жолугушуу учурунда билдирди.

Анын айтымында, анын 500 млн сому социалдык объектилерди курууга жана оңдоого жумшалат, ал эми калган 200 млн сому талкаланган жана өрттөлгөн турак-жайларды калыбына келтирүүгө багытталат.

«Учурда келтирилген зыяндын көлөмүн баалоо боюнча атайы комиссия иш алып барууда, алардын корутундусу менен биз калыбына келтирүү ишинин активдүү фазасына киришебиз», — деп кошумчалады ал.



Регина Баймуратова

Бөлүшүү


Комментарийлер


Комментарий кошуу