Жалал-Абадда түнкү убакыттарда батирлерге кирип, уурулук кылган шектүү кармалды

Жалал-Абадда түнкү убакыттарда батирлерге кирип, уурулук кылган шектүү кармалды. Жалал-Абад ОИИБдин басма сөз кызматынан билдиришти.

Маалым болгондой, Жалал-Абад шаардык ички иштер бөлүмүнө жергиликтүү 4 тургун арыз менен кайрылышкан. Алар 2021-жылдын 20-28-июнь күндөрүнүн аралыгында үйлөрүнө түнкү убакыттарда белгисиз кылмышкерлер киришип, акча жана телефондорун уурдап кетишкендиктерин билдиришкен. Жабырлануучулар жалпысынан 400 000 (төрт жүз миң) сомдон ашуун материалдык чыгымга учурашкандыктарын белгилешкен.

Бул фактылар Жалал-Абад ШИИБдин КЖБРне Кыргыз Республикасынын Жазык кодексинин 200-беренеси (Уурдоо) менен катталып, сотко чейинки өндүрүш иши ачылган.

Жогорудагы кылмыш иштеринин бетин ачуу максатында Жалал-Абад ШИИБдин Тергөө кызматы тарабынан тергөө тапшырмасы берилген. Анын негизинде ШИИБдин Криминалдык милиция кызматынын ыйгарым укуктуу опер кызматкерлери тарабынан жүргүзүлгөн ыкчам-иликтөө иштеринин натыйжасында окуяга шектүү катары Сузак районунун 2001-ж.т. тургуну Б.М. Ош шаарында изин жашырып жүргөн жеринен кармалып, Тергөө кызматына өткөрүлүп берилген.

Азыркы учурда тергөө амалдары улантылып жатат.

 

 



Мырза Тагайкулова

Бөлүшүү


Комментарийлер


Комментарий кошуу